Самарқанддаги Афросиёб Палаcе меҳмонхонаси янги шартлар билан онлайн аукционда яна сотувга қўйилди, деб хабар бермоқда Spot.
Энди 12 миллион доллар миқдорида инвестиция киритиш мажбурияти йўқ, аммо бошланғич нархи 5,4 миллиард сўмдан 27,4 миллиард сўмга оширилди.
Бошқа барча шартлар ўз кучида қолди:
- Афросиёб Палаcеъни 2022 йилнинг 1 январигача камида битта президентлик хонасига эга тўрт юлдузли меҳмонхонага айлантириш;
- Реконструкция ишлари, шунингдек, унинг атрофидаги ҳудудларни ободонлаштиришни Маданият вазирлиги ва ЮНЕСКО билан мувофиқлаштириш;
- Барча кредиторлик қарзларини тўлаш.
2018 йилнинг кузида Самарқанд вилояти ҳокимлиги ва инвестициялар давлат қўмитаси Сингапурнинг Эхим Investmentс Пле компанияси айни пайтда фаолият юритмаётган меҳмонхонани реконструкция қилиш бўйича келишувга эришган. Лойиҳа бизнес-режаси ҳам тайёр бўлган.
Инвестор барча кредит қарздорлигини қоплаши, шунингдек, бу ерда замонавий меҳмонхона комплексини барпо этиши учун икки йил мобайнида 12 миллион доллар миқдорида инвестиция киритиш мажбуриятини олиши лозим бўлган.
Агентлик матбуот хизматининг маълум қилишича, инвестор шартномада белгиланган мажбуриятларни ўз вақтида бажармаган, шу сабабли олди-сотди шартномаси бекор қилинган.
Изоҳ (0)