Футбол бўйича Испания Ла Лигасининг 9-туридан ўрин олган бир қатор учрашувлар 8 ноябрь, якшанба куни бўлиб ўтди.
Мадриднинг «Реал» жамоаси сафарда «Валенсия»га қарши баҳс олиб борди ва кутилмаганда йирик ҳисобдаги мағлубиятни қабул қилиб олди. Учрашувнинг 23-дақиқасида Карим Бензема ўзининг кучли зарбаси билан меҳмонларни олдинга олиб чиқди. 35-дақиқада Карлос Солер пенальтини муваффақиятли ижро этган ҳолда ҳисобни тенглаштирди. Биринчи бўлим якунланиши арафасида Рафаэл Варан ўз дарвозасини ишғол қилиб қўйди.
Иккинчи бўлимда майдон эгалари яна икки бор мадридликлар дарвозаси томон йўл топди. Солер яна иккита пенальтини аниқ ижро этган ҳолда ҳисобни йирик кўринишга олиб келди.
Ушбу ғалабадан кейин «Валенсия» очколарини 11 тага етказиб олган ҳолда 9-ўринга кўтарилди. «Реал» (16) 4-ўринга тушиб кетди.
Мусобақа пешқадами «Реал Сосьедад» ушбу турда «Гранада»ни меҳмон қилди ва 2:0 ҳисобидаги ғалабани қўлга киритди. «Вильярреал» эса сафарда «Хетафе»ни таслим этди.
Ла Лига
9-тур баҳслари
8 ноябрь, якшанба
«Валенсия» — «Реал Мадрид» 4:1
Голлар: 0:1 – 23 Бензема, 1:1 – 35, пенальти Солер, 2:1 – 43, автогол Варан, 3:1 – 54, пенальти Солер, 4:1 – 63, пенальти Солер.«Валенсия»: Domeнек, Гилямон, Гайя, Габриэль Паулиста, Васс, Солер, Черишев (Тони Лато, 77), Муса (Жейсон, 87), Рачич, Ли Кан Ин (Гамейро, 81), Макси Гомес (Собрино, 87).
«Реал Мадрид»: Куртуа, Рамос, Варан, Марсело, Васкес, Иско (Йович, 83), Модрич, Асенсио (Родриго, 64), Вальверде (Кроос, 76), Винисиус Жуниор (Эдегор, 64), Бензема (Мариано Диас, 76).
Огоҳлантиришлар: Солер (41), Марсело (52), Рамос (62), Гилямон (84), Domeнек (86).
«Хетафе» — «Вильярреал» 1:3
Голлар: 0:1 – 11 Пако Алькасер, 1:1 – 16 Арамбарри, 1:2 – 17 Тригерос, 1:3 – 62 Херар Морено.«Реал Сосьедад» — «Гранада» 2:0
Голлар: 1:0 – 22 Монреаль, 2:0 – 27, пенальти Ойарсабаль.«Вальядолид» — «Атлетик» 2:1
Голлар: 1:0 – 19, пенальти Орельяна, 2:0 – 48 Маркос Андре, 2:1 – 86, пенальти Уильямс.«Леванте» — «Алавес» 1:1
Голлар: 0:1 – 4 Лукас Перес, 1:1 – 51 Моралес.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)