Хоразм вилояти ХИва шаҳрида 4 ойлик қиз чақалоғини 120 миллион сўм эвазига сотмоқчи бўлган 22 ёшли аёл қўлга олинди. Бу ҳақда Ички ишлар вазирлиги ҳузуридаги Тергов департаменти хабар берди.
Маълум қилинишича, 2020 йилнинг 28 октябрь куни Хоразм вилоят ИИБ ва ДХХ Хива шаҳар бўлими ходимлари билан ҳамкорлигида тезкор тадбир ўтказилган. 22 ёшли С.М. моддий даромад орттириш мақсадида 2020 йилнинг 2 июнь куни туғилган 4 ойлик қиз фарзанди З.М.ни тадбирга жалб қилинган фуқаролар И.Х. ва Н.Р.га 120 миллион сўм эвазига сотишга келишган. Аёл келишилган пулнинг 5 минг долларини олиб, қизи З.М.ни сотган пайтида тадбир иштирокчилари томонидан ашёвий далиллар билан ушланган.
Мазкур ҳолат юзасидан Хива шаҳар ИИБ ҳузуридаги тергов гуруҳи томонидан С.М.га нисбатан Ўзбекистон Республикаси Жиноят кодексининг 135-моддаси 3-қисми «а» банди (ўн саккиз ёшга тўлмаганлиги айбдорга аён бўлган шахсга нисбатан содир этилган одам савдоси) билан жиноят иши қўзғатилган.
Жиноят иши бўйича С.М. гумон қилинувчи тариқасида жалб қилиниб, процессуал тартибда ушланган. Ҳозирда тергов ҳаракатлари давом эттирилмоқда.
Мавзуга доир:
- Термизда 2 ёшли ўғлини 50 млн сўмга сотмоқчи бўлган эркак ушланди
- Сурхондарёда фарзандини қонуний йўл билан бошқа аёлга беришдан бош тортиб, уни сотмоқчи бўлган аёл ушланди
- Навоийда 23 кунлик чақалоғини 3 млн сўмга сотмоқчи бўлган аёлга жиноий иш очилди
- Қорақалпоғистонда 13 ёшли фарзандини 15 минг долларга пуллаётган аёл қўлга олинди
Изоҳ (0)