Каталониянинг «Барселона» клуби қишки трансферлар вақтида бир йўла 5 нафар футболчиси билан хайрлашади, дея ёзмоқда Mundo Deportivo.
Таъкидланишича, жамоа бош мураббийи Рональд Куманнинг режаларидан қуйидаги футболчилар ўрин олмаган: Усмон Дембеле, Самюуэль Умтити, Мартин Брэйтуэйт, Хуниор Фирпо ҳамда Карлес Аленья.
Каталон клуби мазкур футболчиларни сотиб, улардан тушган маблағнинг маълум қисмини «Лион»дан Мемфис Депай ҳамда «Манчестер Сити»дан Эрик Гарсияни олиб келишга йўналтиришни режалаштирган.
Қайд этиш жоиз, «Барселона» Депай ва Гарсияни ёзги трансферлар ойнаси вақтида сотиб олишга ҳаракат қилган, бироқ якунда иккала футболчи ҳам ўз жамоасида қолганди.
Сўнгги маълумотарга кўра, Дембеленинг хизматларига «Манчестер Юнайтед» ҳамда «Ювентус»дан қизиқиш бор. Брэйтуэйт ва Фирпо эса Ла Лиганинг бошқа клубларига йўл олиши мумкин. Умтитига эса собиқ клуби «Лион» харидор бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)