Бокс бўйича WBA йўналишида иккита дивизион чемпиони Жервонта Дэвис (24-0, 23 КО) ЙТҲ иштирокчисига айланди ва воқеа жойидан яширинган. Бу ҳақда CBS Балтиморе хабар қилмоқда.
Воқеа Балтимор (АҚШ) вақти билан ярим тунда содир бўлган. Бир нечта автомобиль иштирокида содир бўлган ЙТҲ жойига полиция чақирилган.
Қайд этилишича, Lamborghini автомобили қизил чироқдан ўтиб кетган ва бошқа машинага бориб урилган. Шундан кейин айбдор воқеа жойидан яширинган.
Полиция баённомасига кўра, бир неча киши кичик тан жароҳатини олган, бир нафар жабрланувчи шифохонага олиб борилган.
Полиция исмларни ошкор қилмаган ва Дэвиснинг бошқарувда бўлганини ҳам тасдиқламаган. Бироқ манбада айтилишича, боксчи воқеа пайтида автомобилда бўлган.
Эслатиб ўтамиз, Дэвис Тошкент вақти билан 1 ноябрь тонгида бўлиб ўтган бокс кечасида Лео Санта Крусни (37-2-1, 19 КО) даҳшатли нокаутга учратган ҳолда рақибининг камарини тортиб олганди.
Дэвис — Санта Крус жанги видеосини бу ерда томоша қилиш мумкин — Видео.
Изоҳ (0)