«Реал» жамоа ҳимоячиси Серхио Регилонни нима сабабдан сотиб юборгани маълум бўлди.
Испаниялик чап қанот ҳимоячиси 2019/20 йилги мавсумни «Севилья»да кўтаринки руҳда ўтказган бўлса-да, ёзда «Тоттенҳэм»га сотиб юборилганди.
El Confidencial’нинг хабар қилишича, Регилон мадридликлар устози Зинедин Зиданнинг ўғли Люка Зидан билан кескин муносабатда бўлган. Шу сабаб унинг унинг катта Зидан билан ҳам муносабати ёмонлашган.
Эслатиб ўтамиз, «Реал» Люка билан ҳам хайрлашди. У эркин агент мақомида «Райо Вальекано»га йўл олди.
Регилон «Тоттенҳэм» сафида Премьер Лигада учта ўйин ўтказиб, иккита голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)