«Барселона» ҳимоячиси Херард Пике каталонлар клубидаги пасайиш ҳақида гапирди.
Клуб ҳозир қандай бўлиши керак бўлса, шундай ҳолатда. Жамоа қайта қуриш босқичида, ўйлашимча, шундай ўзгаришлар зарур эди. Биз ҳаммасини ўзгартиришимиз керак.«Барселона» 2019/20 йилги мавсумда Ла Лигада 2-ўринни эгаллади, Чемпионлар Лигаси ва Испания Кубогида ўз юришини плей-офф босқичида тугатди. Айни дамда Рональд Куман қўл остидаги жамоа Примерада 8 очко билан 12-ўринда бормоқда.«Барселона»да пасайиш бўлаётгани очиқ-ойдин кўриниб турибди ва жамоа йилдан йилга ёмонлашиб бормоқда. Вақтимиз кам, аммо вазиятни яхшилаш керак. «Барселона»да ҳеч қачон «навбатчи» мавсум бўлмайди, сен ҳар доим ғалаба қозонишга мажбурсан.
Айни дамда сайловлар (клуб президентлиги учун) арафасидамиз, янги бошқарувчилар келади ва биз яқин ойларда ўзгаришларга гувоҳ бўламиз.
Херард Пике, «Барселона» ҳимоячиси
Мавзуга доир: «Барселона» президенти Хосеп Бартомеу истеъфо берди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)