Футбол бўйича Coca-Cola Суперлиганинг қолдирилган 18-тури доирасида «Бунёдкор» ва «Пахтакор» жамоалари 5 ноябрь, пайшанба куни ўзаро баҳс юритди.
Учрашувнинг 5-дақиқасидаёқ Нурилло Тўхтасинов ўзининг кучли зарбаси билан супер гол муаллифига айланди. Бунга меҳмонлар биринчи бўлимда Жалолиддин Машариповнинг голи билан жавоб қайтарди.
Тўхтасинов иккинчи бўлим дебютида ҳам гол урган ҳолда яна жамоасини олдинга бошлади. 80-дақиқада келиб «Пахтакор» Абдулла Абдуллаевнинг автоголидан кейин мувозанатни тиклашга муваффақ бўлди. Бироқ «қалдирғочлар» бунга дарҳол жавоб қайтарди: Миржаҳон Мираҳмадов учинчи голни урган ҳолда майдон эгаларига ғалаба келтирди.
81-дақиқада Ҳожиакбар Алижонов иккинчи сариқ карточкасини олиб майдонни тарк этди. Орадан кўп ўтмай Машарипов рақиб футболчисига тирсаги билан зарба бергани учун четлатилди.
Ушбу ғалабадан кейин Вадим Абрамов жамоасининг очколари 36 тага етди. «Пахтакор» эса муддатидан аввал чемпионликни нақд қилиш имкониятини бу ўйинда қўлдан чиқарди.
Coca-Cola Суперлига
18-тур баҳси
5 ноябрь, пайшанба
«Бунёдкор» — «Пахтакор» 3:2
Голлар: 1:0 – 5 Тўхтасинов, 1:1 – 26 Машарипов, 2:1 – 55 Тўхтасинов, 2:2 – 80, автогол Абдуллаев, 3:2 – 81 Мираҳмадов.«Бунёдкор»: Абдумавлон Абдужалилов, Ислом Қобилов, Иброҳимҳалил Йўлдошев, Хуршид Ғиёсов (Дилшодбек Аҳмадалиев, 54), Расул Йўлдошев (Суҳроб Иззатов, 78), Лутфулла Тўраев, Санжар Қодирқулов, Нурилло Тўхтасинов, Улуғбек Абдуллаев (Миржаҳон Мираҳмадов, 78), Абдулла Абдуллаев, Шаҳбоз Эркинов (Селим Нурмурадов, 60).
«Пахтакор»: Элдор Суюнов, Ҳожиакбар Алижонов, Анзур Исмоилов, Жалолиддин Машарипов, Драган Черан, Игор Сергеев (Эрен Дердийок, 61), Егор Кримец, Достон Ҳамдамов (Жавоҳир Сидиқов, 73), Одил Ҳамробеков (Владимир Козак, 90+2), Сардор Собирхўжаев (Аброр Исмоилов, 61), Фарруҳ Сайфиев.
Огоҳлантиришлар: Йўлдошев (20), Кримец (21), Алижонов (38), Абдужалилов (84).
Четлатиш: Алижонов (81), Машарипов (83).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)