«Тоттенҳэм» собиқ устози Маурисио Почеттино «Манчестер Юнайтед» бош мураббийига айланиши мумкин.
Manchester Evening News хабарига кўра, «Манчестер Юнайтед» раҳбарияти Оле-Гуннар Сульшер қўл остидаги жамоа кўрсатаётган натижалардан қониқмаяпти ва шу сабаб аргентиналик мутахассис билан боғланган.
Манбада таъкидланишича, Почеттино 2019 йилнинг декабридан бери «Манчестер Юнайтед»дан таклиф кутади, унинг фикри ҳозиргача ўзгармаган.
Қайд этиишича, манкунианликлар раҳбарияти Сульшерни Чемпионлар Лигаси доирасида ўтган «Истанбул Башакшеҳир»га қарши ўйинга (1:2) қадар қўллаб-қувватлаб келган. Эндиликда Премьер Лига доирасида «Эвертон»га қарши ўтадиган баҳс норвегиялик мутахассис учун сўнгги имкон бўлиши айтилмоқда.
Почеттино 2019 йилнинг ноябрида «шпорлар» бошқарувини тарк этгандан буён ишсиз юрибди.
«Манчестер Юнайтед» Премьер Лига 7-туридан кейин 7 очко билан 15-ўринда бормоқда. Жамоада битта захира ўйини мавжуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)