Гуручдан овқат тайёрлашдан бошқа яна қандай мақсадларда фойдаланса бўлади?

Фойдали ва тўйимли экани билан яхши маълум бўлган гуручдан кундалик турмушдаги айрим муаммоларга ечим сифатида ҳам фойдаланиш мумкин.

Телефонга сув тегса

Тўсатдан телефонингизга сув тушган бўлса, ваҳимага тушманг. Қурилмани гуруч билан тўлдирилган пакет ёки тарелкага қўйинг. Гуруч ортиқча намликни олиш хусусиятига эга. Шунингдек, туз нам тортиб қолган бўлса ҳам, унга гуруч қўшиб ечим топиш мумкин.

Гуручдан «грелка» қилса бўлади

Тикилган ёки тайёр қопча олиб, уни гуруч билан тўлдиринг, микротўлқинли печда қиздириб, оғриқ бор тана соҳасига қўйинг.

Гулдон ёки бошқа идишларни тозалаш мумкин

У худди скрабдек натижа беради. Оғзи ингичка идишларни ювишга қўлингиз сиғмайдиган бўлса, унинг ичига идиш ювадиган гел томизинг ва устидан гуруч солиб, яхшилаб силкитинг. Гуруч ҳаракатланиб, идиш ички деворидаги кирларни кетказади.

Мева ва сабзавотларнинг етилишига ёрдам беради

Баъзи мева ва сабзавотларни тезроқ пишиб-етилишини истасангиз, уларни гуруч солинган контейнер ичига қўйиб қўйинг.

Терини косметик воситалардан аъло даражада тозалайди

Гуруч пиширгандаги сувни туз қўшмасдан аввал бир идишга солиб олинг, совутинг ва тоник сингари юзингизга суртиб, кейин ювиб ташланг. Гуруч терини аъло даражада тозалаш хусусиятига эга.