Инсон организмининг 80 фоизи сувдан ташкил топган ва саломатлик учун сув баланси меъёрда бўлиши муҳим саналади.
Жўмракдан сув ичиш мумкинми?
Жўмракдан сув ичиш мумкинликка мумкин, лекин ичгандан кейин организмда қандай оқибатлар кузатилиши масаланинг муҳим жиҳати ҳисобланади. Бундай сув таркибида нафақат темир, кальций, магний, натрий ва бошқалар кўп бўлади, балки доим истеъмол қилиш учун жуда ҳам юқори даражада минераллаштирилган ва хлорланган бўлади.
Кўпчилик сув давлат назоратидан ўтган бўлса, уни ичиш мумкин деб ҳисоблайди. Лекин амалиёт бундай сувни истеъмол қилиш турли касалликлар, ҳатто заҳарланишга ҳам олиб келишини кўрсатмоқда.
Жўмракдан сув ичилганда организмда турли чўкиндилар, тош ва қон-томирларда калсиноз кузатилади. Кўпчилик сувни фильтрлайдиган аппарат харид қилиб, бу муаммони бартараф қилиш мумкин деб ўйлайди. Аммо фильтр сувни хлордан тозалайди, фойдали қилиб қўймайди.
Нима қилиш керак?
Сув зарарсиз бўлиши учун уч поғонали фильтр ўрнатиш керак. У сувда молекулаларни қолдириб, қолган барча нарсадан тозалайди. Шундан кейин уни литрига 30-50 мг минераллаш керак.
Гап шундаки, туз (металлар) сувда ноорганик шаклда бўлади ва организм уларни оз миқдорда ўзлаштириши мумкин. Лекин бундай сувдан шўрва пишириб ёки чой дамланганда чўкма ҳосил бўлади. Агар икки ой давомида сиз фойдаланадиган чойнакда қотма ҳосил бўлса, сувда минераллар жуда ҳам кўп бўлади. Сувнинг саломатлик ва ўзингизни қандай ҳис қилишингизда роли катта. Сиз ичадиган сув қандай эканлигига қараб энергияга тўла бўлишингиз, кучсиз бўлиб қолишингиз ёки сурункали касалликларга чалинишингиз мумкин.
Изоҳ (0)