Ўзбекистон бош вазири Абдулла Арипов 2020 йил 5 ноябрь куни Қирғизистон ташқи ишлар вазири Руслан Казакбаевни қабул қилди. Бу ҳақда Ўзбекистон бош вазирининг матбуот хизмати хабар берди.
Ўзбекистон ҳукумати раҳбари Қирғизистон билан ҳамкорлик алоқаларни янада мустаҳкамлашда илгари эришилган барча келишувларни изчил амалга ошириш муҳим эканини қайд этди.
Учрашувда савдо-иқтисодий, сармоявий, транспорт-логистика, маданий-гуманитар соҳалардаги ҳамкорликнинг бугунги ҳолати ва истиқболлари ҳамда пандемиянинг икки томонлама алоқаларга салбий оқибатларини бартараф этиш масалалари муҳокама қилинди.
Аввалроқ Ўзбекистон ташқи ишлар вазири Абдулазиз Комилов Тошкент шаҳрига амалий ташриф билан келган Қирғизистон ташқи ишлар вазири Руслан Казакбаев билан учрашгани ҳақида хабар берилганди.
Эслатиб ўтамиз, бош вазир Абдулла Арипов 2 ноябрь куни Қозоғистон бош вазири ўринбосари Роман Скляр бошчилигидаги ушбу мамлакат ҳукумати делегацияси вакилларини қабул қилганди.
Изоҳ (0)