2018—2020 йиллар давомида туман ҳокимликлари захирасида бўлган 1,5 миллион гектар ер ўрмон хўжаликлари балансига олинди. Бу ҳақда Ўрмон хўжалиги давлат қўмитаси раиси ўринбосари Ғолибжон Қурбонов «Дарё» мухбири Мусулмонбек Иброҳимовга берган қисқача интервьюсида айтиб ўтди.
Ғолибжон Қурбоновнинг маълум қилишича, ўтган уч йил давомида Андижонда 3 минг уч юз, Самарқандда 4 минг 8 юз, Қашқадарёда 29 минг 2 юз, Навоийда 160 минг, Сирдарёда 2 минг, Бухорода 26 минг 9 юз, Наманганда 4 юз, Сурхондарёда 66 минг, Жиззахда 43 минг 4 юз, Фарғонада 3 юз, Хоразмда 1 минг 7 юз, Тошкент вилоятида 19 минг 1 юз гектар ва Қорақалпоғистонда эса 1 миллион 150 минг 3 юз гектар ер майдонлари туман ҳокимлиги захирасидан ўрмон хўжаликлари балансига олинган.
«Бухорода 10, Жиззахда 1, Қашқадарёда 10 минг, Навоийда 1 минг, Самарқандда 18, Сурхондарёда 40, Сирдарёда 27, Хоразмда 2 минг, Тошкент вилоятида 10 минг гектар туман ҳокимликлари томонидан ноқонуний олиб қўйилган ер майдонлари ўрмон хўжаликлари балансига қайтарилган», – деди қўмита вакили.
Маълумот учун, Ўзбекистон ҳудудининг 11 миллион гектардан зиёд ерлари ўрмон хўжаликларига тегишли. Шундан 3 миллион гектардан ортиқ ер майдони ўрмон билан қопланган.
Изоҳ (0)