Қонунчилик палатасидаги Экологик партия фракциясининг 2020 йилнинг 2 ноябрь куни навбатдаги йиғилиши бўлиб ўтди, дея хабар бермоқда Парламент ахборот хизмати.
Маълум қилинишича, йиғилишда ялпи мажлисга киритилиши режалаштирилаётган қонун лойиҳалари, қонун ташаббускорлари ва ишчи гуруҳлари аъзолари ҳамда депутатлар иштирокида муҳокама қилинди.
Фракция аъзолари «Ўзбекистон Республикасида хизмат кўрсатган геолог» фахрий унвонини таъсис этиш тўғрисида»ги қонуни лойиҳаси ҳақида батафсил тўхталиб, геология-қидирув ишлаб чиқаришни ривожлантириш, минерал хом ашё базасини яратиш ва кенгайтириш, фойдали қазилма конларини очиш ва саноат йўсинда ўзлаштиришга топшириш, геология қидирув ишларида экологик тоза, илғор ва инновацион технологияларни ишлаб чиқиш ва татбиқ этиш, соҳа учун чуқур билимга эга кадрларни тайёрлашда муҳим аҳамият касб этишини таъкидлади.
Кун тартибидаги барча масалалар бир овоздан маъқулланди ва фракциянинг тегишли қарори қабул қилинди.
Аввалроқ Ўзбекистонда Алишер Навоий ордени таъсис этилиши ҳақида маълум қилинганди.
Изоҳ (0)