Вазирлар Маҳкамасининг тегишли қарори билан Президентнинг Муҳаммад ал-Хоразмий номидаги халқаро мукофоти билан тақдирлаш тартиби тўғрисидаги низом тасдиқланди.
Низомга кўра, ушбу мукофот билан математика соҳасида фундаментал ва амалий илмий изланишлар натижаларига кўра амалиётдаги муайян муаммонинг ечимини таклиф этган олимлар (шу жумладан, чет эл фуқаролари ва фуқаролиги бўлмаган шахслар) якка тартибда тақдирланади.
Мукофот 2 йилда бир марта Президент томонидан Фан ва технологиялар бўйича республика кенгашининг таклифига кўра қуйидаги 3 йўналиш бўйича берилади:
- фундаментал соҳадаги тадқиқот;
- ёшлар ўртасидаги тадқиқот;
- иқтисодиётнинг реал секторидаги муаммонинг ечимини таъминлаган тадқиқот.
Вазирлик бир ой муддатда номзодлар рўйхати ва уларга оид ҳужжатларни ўрганади ҳамда кўриб чиқиш учун мукофот бериладиган йилнинг июнь ойи якунига қадар кенгашга киритади.
Кенгаш бир ой муддатда ҳужжатларни кўриб чиқади ва номзодлар бўйича тақдимнома тайёрлаб, мукофот бериладиган йилнинг 25 августига қадар Президент администрациясига юборади.
Тақдимнома маъқулланган тақдирда мукофотга сазовор бўлганларга 50 минг АҚШ доллари эквивалентидаги бир марталик пул мукофоти топширилади.
Эслатиб ўтамиз, мазкур халқаро мукофот Президентнинг 2020 йил 7 майдаги ПҚ–4708-сон қарори билан таъсис этилган.
Мавзуга доир:
- Президент эътироф этган Қоракўлдаги халқаро математика мактабининг навбатдаги филиали Қашқадарёда очилиши мумкин
- Бутун дунё профессионаллари ва ҳаваскорлари иштирок этган энг йирик халқаро фотосуратлар танлови ғолиблари аниқланди (фото)
- Халқ таълими вазирлиги фан олимпиадалари ғолиблари ва уларнинг ўқитувчиларига қанча миқдорда пул мукофоти берилишини маълум қилди
Изоҳ (0)