O‘tgan yili Stokgolm g‘arbidagi cherkovdan dafn etilganlar uchun ishlatiladigan, vafot etganning ijtimoiy mavqeyini ramziy ma’nosini ifodalovchi tobutning ichida va ustida yotadigan ramziy anjomlar o‘g‘irlangan, deya xabar beradi “Forum Daily”.
Politsiya ma’lumotlariga ko‘ra, Karl IX ning toji va qudratining ramziy belgisi hamda uning xotini Kristinaning gulchambari g‘oyib bo‘lgan.
Politsiya qiymati chamasi 65 million kron (7 million AQSh dollardan ortiq) bo‘lgan zargarlik buyumlarini chiqindi qutisidan topgan.
Ularning haqiqiyligi ekspertiza yordamida tekshiriladi.
Ushbu topilma mazkur eksponatlarni o‘g‘irlashda ayblanayotgan 22 yoshli shved fuqarosi ustidan olib borilayotgan sud jarayonini to‘xtatgan.
U 2018-yilning sentabrida hibsga olingan edi.
Shvetsiya qirolligining aksariyat qimmatbaho buyumlari Stokgolmdagi qal’ada saqlanadi, ammo ba’zi dafn marosimlari anjomlari Strangnas, Upsala va Vasteras soborlarida ham mavjud.
Karl IX eng mashhur shved monarxlaridan biri Gustav Vasaning o‘g‘li bo‘lgan. 1611-yilda uning vafotidan so‘ng, u Strangness soborida dafn qilingan. Shohning xotini Kristina 14 yil o‘tib vafot etgan.
Izoh (0)