Тошкентда қабртош тайёрлаб беришни ваъда қилиб 54 ёшли аёлнинг 7,5 миллион сўмини ўзлаштирган эркак ушланди. Бу ҳақда пойтахт ИИББ матбуот хизмати хабар берди.
Маълум бўлишича Тошкентнинг Юнусобод тумани ҳуқуқни муҳофаза қилиш органларига 54 ёшли аёл М.И. мурожаат қилиб, 25 июль куни «Минор» қабристони яқинида мармардан қабр тоши ясаб беришни ваъда қилган 31 ёшли фарғоналик Б.У.га нисбатан чора кўришни сўраган.
Ўз хизмати учун Б.У. аёлдан 7,5 миллион сўм олган. Аммо ишни бажармасдан, пулларни ўз эҳтиёжига сарфлаб юборган.
Ҳолат юзасидан Жиноят кодексининг 168-моддаси (фирибгарлик) бўйича жиноий иш қўзғатилиб, Б.У. қўлга олинган.
Тергов ҳаракатлари давом этмоқда.
Изоҳ (0)