Футбол бўйича Испания Ла Лигасининг 8-турида «Реал» 31 октябрь, шанба куни «Уэска»ни қабул қилди.
Учрашув кутилганидек мадридликларнинг фаоллигида бошланди. Қатор ҳужумлар 40-дақиқага келиб ўз самарасини берди. Узоқ муддатли танаффусдан кейин асосий таркибга қайтган Эден Азар узоқ масофадан аниқ зарба йўллаб ҳисобни очди. Танаффус арафасида Карим Бензема мадридликларнинг иккинчи голини урди.
Иккинчи бўлим дебютида Федерико Вальверде Бенземанинг узатмасидан кейин кучли зарба билан дарвозанинг узоқ бурчагини аниқ нишонга олди. 74-дақиқада Давид Феррейро меҳмонларнинг ягона жавоб тўпини киритди. Асосий вақтнинг сўнгги дақиқасида Бензема дублни расмийлаштирган ҳолда якуний ҳисобни ўрнатди.
Ушбу ғалабадан кейин очколарини 16 тага етказиб олган «Реал» биринчи ўринга кўтарилди. «Уэска» (5) эса 18-поғонада бормоқда.
Ла Лига
8-тур баҳси
31 октябрь, шанба
«Реал Мадрид» — «Уэска» 4:1
Голлар: 1:0 – 40 Азар, 2:0 – 45 Бензема, 3:0 – 54 Вальверде, 3:1 – 74 Феррейро, 4:1 – 90 Бензема.«Реал Мадрид»: Куртуа, Марсело, Рамос, Милитао, Васкес (Менди, 52), Каземиро (Кроос, 69), Модрич, Азар (Винисиус Жуниор, 60), Вальверде (Иско, 60), Асенсио (Родриго, 60), Бензема.
«Уэска»: Фернандес, Сиовас, Пулидо, Маффео, Луизиню (Сильва, 83), Гарсия (Валдеррама, 57), Москера, Онтиверос (Галан, 46), Нвакали (Сандро Рамирес, 57), Серхио Гомес (Феррейро, 46), Рафа Мир.
Огоҳлантиришлар: Сиовас (79), Сандро Рамирес (88).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)