Futbol bo‘yicha Ispaniya La Ligasining 8-turida “Real” 31-oktabr, shanba kuni “Ueska”ni qabul qildi.
Uchrashuv kutilganidek madridliklarning faolligida boshlandi. Qator hujumlar 40-daqiqaga kelib o‘z samarasini berdi. Uzoq muddatli tanaffusdan keyin asosiy tarkibga qaytgan Eden Azar uzoq masofadan aniq zarba yo‘llab hisobni ochdi. Tanaffus arafasida Karim Benzema madridliklarning ikkinchi golini urdi.
Ikkinchi bo‘lim debyutida Federiko Valverde Benzemaning uzatmasidan keyin kuchli zarba bilan darvozaning uzoq burchagini aniq nishonga oldi. 74-daqiqada David Ferreyro mehmonlarning yagona javob to‘pini kiritdi. Asosiy vaqtning so‘nggi daqiqasida Benzema dublni rasmiylashtirgan holda yakuniy hisobni o‘rnatdi.
Ushbu g‘alabadan keyin ochkolarini 16 taga yetkazib olgan “Real” birinchi o‘ringa ko‘tarildi. “Ueska” (5) esa 18-pog‘onada bormoqda.
La Liga
8-tur bahsi
31-oktabr, shanba
“Real Madrid” — “Ueska” 4:1
Gollar: 1:0 – 40 Azar, 2:0 – 45 Benzema, 3:0 – 54 Valverde, 3:1 – 74 Ferreyro, 4:1 – 90 Benzema.“Real Madrid”: Kurtua, Marselo, Ramos, Militao, Vaskes (Mendi, 52), Kazemiro (Kroos, 69), Modrich, Azar (Vinisius Junior, 60), Valverde (Isko, 60), Asensio (Rodrigo, 60), Benzema.
“Ueska”: Fernandes, Siovas, Pulido, Maffeo, Luizinyu (Silva, 83), Garsiya (Valderrama, 57), Moskera, Ontiveros (Galan, 46), Nvakali (Sandro Ramires, 57), Serxio Gomes (Ferreyro, 46), Rafa Mir.
Ogohlantirishlar: Siovas (79), Sandro Ramires (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)