Италиянинг автоном ҳудуди бўлмиш Сицилиянинг Салеми шаҳрида 30 дан ортиқ уй гамбургер нархида — атиги бир еврога сотувга қўйилади. Бу ҳақда The Sun хабар бермоқда.
Қайд этилишича, сотувга таъмирга муҳтож бинолар қўйилади, уларнинг айримларида Сицилияда даҳшатли зилзила содир бўлган 1968 йилдан бери одамлар яшамайди.
«Барча уйлар шаҳар кенгашига тегишли бўлиб, бу сотувни тезлаштиради ва бюрократияни камайтиради. Уйлар сотувга қўйилишидан олдин Салемининг ушбу ҳудудларини тикладик, инфратузилма, йўллар, электр тармоқлари ва канализацияни модернизация қилдик», — деган шаҳар мэри Домeнико Венути.
Шаҳарда, шунингдек, кафе ва ресторанлар, Норманд қалъаси ва музейлар бор. Расмийлар ушбу омиллар потенциал харидорларга Салемини танлашда ёрдам беришига умид қилмоқда.
Бироқ келажакда уй эгалари бино таъмирлангунига қадар ҳар йили 250 евро миқдорида бино суғуртасини тўлашлари керак бўлади.
Изоҳ (0)