Швециялик робототехника ва сунъий интеллект соҳаси мутахассиси Ханс Фосберг орқа ҳовлисида яшайдиган зағизғонларни овқат эвазига «бутилка» қопқоқларини йиғишга ўргатди. Бу ҳақда Esquire хабар беради.
Маълум қилинишича, кўча ёритгичларидан парафин шам излаётган қушларни кўрган олим улар бунинг ўрнига мураккаб вазифаларни ҳам бажара олади деб ўйлаган ва кўчани тоза қиладиган ҳамда зағизғонлар қорнини тўйдирадиган механизм яратишга қарор қилган.
https://youtu.be/LJG3282QU4g
Бу жуда ҳам қийин лойиҳа бўлган, интернетда бу борада ҳеч қандай қўлланма бўлмагани сабаб Ханс ҳаммасини нолдан бошлашига тўғри келган. Мазкур лойиҳа устида бир неча йил ишлашига тўғри келган.
Механизм қуйидагича ишлайди: ҳар гал зағизғон «бутилка» қопқоғини келтириб, тешикка ташлаганидан кейин дозатордан бир-икки порция егуликка эга бўлади.
Унинг айтишича, қушларни қизиқтиришнинг ўзи бўлмаган. Катталари мазкур механизмга шубҳа билан қараган, аммо қолган қушлар уларга ижобий ўрнак кўрсатган. Ханс келажакда қушларни бошқа чиқиндилар, масалан, сигарет қолдиқларини йиғишга ўргатиш, шунингдек, буни бутун туман бўйлаб амалга ошириш ниятида, дейилади хабарда.
Изоҳ (0)