Сурхондарё вилояти Денов туманида ўзига тегишли бўлмаган «Жигули» автомобилини бошқарган ҳайдовчи икки нафар пиёдани уриб кетди ва уларнинг ўлимига сабаб бўлди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Ҳайдовчининг сўзларига кўра, воқеа кечки пайт юз берган. У 300-400 метр узоқликда икки нафар пиёдани кўрган, қарама-қарши томондан келаётган машина ўтиб кетгач пиёдалар йўлга чиқиб келган. «Жигули» ҳайдовчиси тормоз босганига қарамасдан, пиёдаларни уриб юборган.
Пиёдаларнинг бири олинган жароҳатлари оқибатида воқеа жойида вафот этган. Иккинчи пиёда эса касалхонада вафот этган.
Ҳолат юзасидан Жиноят кодексининг 266-моддаси 3-қисми «а» банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга доир:
- Андижонда «Волга»нинг каналга тушиб кетиши оқибатида унинг салонидаги йўловчи ҳалок бўлди (видео)
- Марғилонда Matiz уриб юборган пиёда ҳодиса жойида вафот этди
- Жиззахда «Жигули» эшак аравани уриб юбориши оқибатида икки киши ҳалок бўлди
- Наманганда трактор тиркамасига урилган «Жигули»нинг ҳайдовчиси шифохонада вафот этди
Изоҳ (0)