Футбол бўйича Coca-Cola Суперлига 21-турининг сўнгги ўйинида «Бухоро» ва «Сўғдиёна» жамоалари 29 октябрь, пайшанба куни ўзаро баҳсга киришди.
Учрашувнинг 10-дақиқасида Суҳроб Неъматов бухороликларни олдинга олиб чиқди. Бунга меҳмонлар тезда Жасур Ҳасанованинг иккита голи билан жавоб қайтарди. 34-дақиқада Зоҳир Пиримовнинг киритган тўпидан кейин жамоалар танаффусга дуранг натижаси билан йўл олди.
Иккинчи бўлимда жиззахликлар мезбонлар дарвозасини жавобсиз уч бор аниқ нишонга олди. Шоҳруз Норхоновнинг дубли ва Баҳодир Насимовнинг голи «Сўғдиёна»га йирик ҳисобдаги ғалабани тақдим этди.
Ушбу ғалабадан кейин «Сўғдиёна» очколарини 30 тага етказиб олди ва 7-ўринда бормоқда. «Бухоро» (11) эса мусобақа жадвалининг сўнгги поғонасидан жой олган
Coca-Cola Суперлига
21-тур баҳси
29 октябрь, пайшанба
«Бухоро» — «Сўғдиёна» 2:5
Голлар: 1:0 – 10, пенальти Неъматов, 1:1 – 11 Ҳасанов, 1:2 – 25 Ҳасанов, 2:2 – 34 Пиримов, 2:3 – 48, пенальти Норхонов, 2:4 – 64 Норхонов, 2:5 – 88 Насимов.«Бухоро»: Сардор Қобулжонов, Миржалол Жумаев, Бобуржон Аманов, Суҳроб Неъматов, Жасур Ҳакимов, Зоҳир Пиримов (Иззатилла Абдуллаев, 84), Жасур Ҳасанов, Бекзод Сайидов (Муҳаммад Ғиёсов, 74), Эргаш Исмоилов (Беҳруз Садиллоев, 84), Илҳомжон Алижонов, Файзуллобек Жуманқўзиев.
«Сўғдиёна»: Ширинбой Абдуллаев, Сардор Қулматов, Искандар Шойқулов, Аюбхон Номанов, Жамшид Болтабоев (Санжар Рашидов, 84), Шоҳруз Норхонов (Баҳодир Насимов, 84), Жасур Ҳасанов (Саҳоб Рашидов, 87), Санъат Шихов (Шоҳбоз Жўрабеков, 46), Шавкат Муллажонов, Жавоҳир Қаҳрамонов (Даниэль Насриддинов, 84), Марко Колакович.
Огоҳлантиришлар: Исмоилов (72), Шойқулов (76), Колакович (82), Садиллоев (85), Ҳакимов (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)