Интернетда янги iPhone 12 ва 12 Pro смартфонлари, шунингдек, уларнинг аксессуарларига оид маълумотлар тарқалмоқда. Янги iPhone’лар эга бўлган муҳим жиҳатлардан бири — смартфон қопқоғига ўрнатилган магнитлар. Ундан банк карталарини сақлашда ёки MagSafe қувватлантириш функциясини ишлатишда фойдаланиш мумкин, деб хабар беради Hi-Tech.Mail.ru.
MagSafe магнит қувватлантиргичи смартфон қопқоғига қотирилади ва смартфонни симсиз қувватлантиришга хизмат қилади. Маълум бўлишича, у нафақат Qi стандарти бўйича ишлайди, балки кўплаб Android-смартфонларга ҳам мос келади — масалан, Pixel 5 ёки эгилувчан Samsung Galaxy Z Fold 2’га. Қувватлантириш қурилмаси магнитларда мустаҳкам жойлашиб, смартфонни зарядлайди.
Фақат симсиз Qi-қувватлантириш қурилмасини 4 минг рублга (52 доллар) алоҳида харид қилишга шошмаслик керак. Чунки унинг максимал қуввати 15 ваттга тенг бўлиб, у худди iPhone’лардаги каби тез ишлаш ёки ишламаслиги номаълум.
Аввалроқ интернетда iPhone 12 Pro’нинг илк ҳақиқий видеоси пайдо бўлгани тўғрисида хабар берилганди.
Мавзуга доир:
Изоҳ (0)