Ўтган бир ҳафта ичида дунёда коронавирусга чалиниш ҳолатлари сони бўйича рекорд даража қайд этилди, деб ёзади «РБК» Жаҳон соғлиқни сақлаш ташкилотига таяниб.
19 октябрдан 25 октябргача 2,8 миллион кишида COVID-19 аниқланди. Бу пандемия бошидан буён энг катта кўрсаткичдир. Коронавирусдан қарийб 40 минг киши бир ҳафта ичида вафот этган.
ЖССТ маълумотларига кўра, касалланиш, айниқса, Европа минтақасида тез ўсмоқда, у ерда бир ҳафтада COVID-19 билан боғлиқ янги ҳолатларнинг деярли ярми қайд этилган — 1,3 миллиондан ортиқ киши касалликни юқтириб олган, бу ўтган ҳафтадагидан 33 фоизга кўп демакдир.
Бир ҳафталик ўсиш бўйича юқори бешликка қуйидаги мамлакатлар кирди:
- Франция — 217,7 минг бемор;
- Буюк Британия — 148,5 минг;
- Россия — 114,5 минг;
- Италия — 101,9 минг;
- Бельгия — 90,8 минг.
Маълумот учун, дунёда коронавирусга чалинганлар сони 5 октябрь куни 35 миллиондан, 11 октябрь куни 37 миллион, 14 октябрь куни 38 миллион, 19 октябрь куни 40 миллион, 22 октябрь куни 41 миллион, 24 октябрь куни 42 миллион, 26 октябрда эса 43 миллион кишидан ошган.
Мавзуга доир:
- Россияда коронавирусга қарши иккинчи вакцинани ишлаб чиқариш бошланди
- COVID-19’га қарши дориларнинг ҳеч бири ЖССТ раҳбарлигидаги клиник тадқиқотларда синовдан ўтмади, ҳатто ремдесивир ҳам. Бу нима дегани ва энди нимадан умид қилиш мумкин?
- Коронавирусга чалинган беморлар бизга айтишни истайдиган 8 тавсия
Изоҳ (0)