Италиянинг Сардиния оролида жойлашган фермада яшил рангли кучук дунёга келди. Кучукка Писта деб лақаб қўйишган. Бу ҳақда Reuters’га таяниб, «Korrespondent.net» хабар берди.
Писта билан бирга дунёга келган бошқа ака-укаларининг ранги худди онасиникидек — оқ.
Яшил рангли ит жуда кам учрайди. Фермер Пистадан бошқа кучукларнинг барчасини бериб юборишга қарор қилган. Писта эса кейинчалик фермадаги қўйларни қўриқлашга ёрдам беради. Итнинг эгасини сўзларига кўра, яшилга ранг бу — умид ва омад белгиси.
Meet Pistachio, the green-furred puppy born in Sardinia https://t.co/JEGwBXq5I5 pic.twitter.com/CK9hKyjHAY
— Reuters (@Reuters) October 22, 2020
Эслатиб ўтамиз, 2017 йили Буюк Британияда ҳам яшил жунли кучук дунёга келганди.
Изоҳ (0)