Хитойнинг Цзилинь провинциясидаги Чанбайшань тоғида жойлашган миллий боғнинг Сяо Ю исмли ходими кўлда яшаётган «сирли йиртқич»ни видеога олишга муваффақ бўлди. Эркак ушбу жонзотни Лох-Несс кўлининг махлуқи деб ўйлаган, деб хабар беради Daily Mail.
20 октябрь куни тонгда олинган видеода қора айланасимон объект сув юзасида сузиб юрганини кўриш мумкин. Сяо Юнинг сўзларига кўра, мазкур жонзотнинг узунлиги 2,1 метрга етади.
Таъкидланишича, «Самовий кўлда» бунга қадар ҳам ғайриоддий йиртқич қайд этилган бўлиб, уни Хитойнинг Лох-Несс махлуқи деб аташган. У ҳақдаги дастлабки қайдлар 1962 йилга тегишли. Ўшандан ўнлаб одамлар сувда ғайриоддий жонзотни кўрганликларини тасдиқлаган.
«Бунга қадар ҳам шу каби вазиятга тушганман, бироқ ўшанда бу балиқчилар қайиғи эди. Аммо бу сафар ростан ҳам кўрганимни айта оламан. Бу аниқ қайиқ эмасди», — дейди боғ ходими.
Шунингдек, у боғ ҳудуди ташриф буюрувчилар учун мутлақо ёпиқлиги ва у ерга киришга қаттиқ тақиқланганини қайд этган.
Мавзуга доир: Олимлар Лох-Несс кўли махлуқини излашни режалаштирмоқда
Изоҳ (0)