Хитойнинг Чжэцзян провинциясида Сяо Лю исмли йигит учрашувга чиққан қизи ресторанга 23 нафар қариндошини олиб келганини кўриб, қочиб кетди. Меҳмонлар ҳисобни йигит тўлайди деб ўйлаб, энг қиммат таомларни буюртма қилган. Бу ҳақда маҳаллий нашрлардан бирига таяниб, «Korrespondent.net» хабар берди.
29 ёшли Сяо Лю мунтазам равишда иши кўплигидан ўзига қиз топа олмаган. Унинг онаси бундан хавотирга тушиб, совчидан кўр-кўрона учрашув ташкиллаштиришни сўраган.
Йигит ресторандаги учрашувда ўзи ва учрашувга чиққан қиз учун ҳисобни тўлашга ваъда берган. Бироқ у қиз «бир гуруҳ ёрдам кучлари» билан келишини кутмаган. Бир нечта столни эгаллаган қизнинг қариндошлари 20 минг юанлик (3 минг доллар) таом буюртма қилган.
Сяо Лю «панд еганини» тушунган заҳоти, ресторандан қочиб кетган. Қиз унга қўнғироқ қилиб туша олмаган, шу сабабли ҳашаматли кечки овқатни қариндошларнинг ўзи тўлашга мажбур бўлган.
Кейинроқ алоқага чиққан хитойлик йигит пулларнинг бир қисмини — 600 долларга яқинини беришни ваъда қилган. Таъкидланишича, қизнинг қариндошлари ёш йигитнинг бу каби хатти-ҳаракатидан жуда қаттиқ норози бўлиб, уни қурумсоқ деб атаган.
Изоҳ (0)