Кун давомида муҳим ишлар билан банд бўлганлиги сабаб кўпчилик кечки вақтда телевизор томоша қилиб дам олади. Аммо ушбу вақтдан самарали фойдаланиш, саломатлик ва ташқи кўринишда ижобий ўзгариш бўлиши тайёргарлик қилишга сарфласа бўлади.
Кечаси тренировка қилиш
Жисмоний фаоллик организмдан ортиқча суюқликни чиқариб, озишга ёрдам беради. Кун давомида банд график сабаб бунга вақт бўлмаслиги мумкин, қолаверса, зўриққан нерв ҳужайралари ухлатмагани сабаб кечаси тренировка қилмаслик керак деган тушунчалар ҳам йўқ эмас. Аммо АҚШда ўтказилган тадқиқотда бундай эмаслиги аниқланди. Тадқиқот натижасига кўра, иштирокчиларнинг 60 фоизи фитнесс машқларидан кейин уйқусида муаммо кузатилмагани маълум бўлган. Шундай экан, кун давомида вақт топа олмаганлар бемалол кечаси жисмоний машқларни бажариши мумкин.
Кечки овқатда кам туз қўшилган таом истеъмол қилиш
Тонгда шишиб уйғонишни истамасангиз, кечки овқатга шўр таом емаслик керак. Гап шундаки, тузи кўп овқатдан кейин кўпроқ суюқлик ичишни исташ мумкин, унинг қолдиқлари эса кечаси билан организмда суюқлик микроциркуляциясини тўхтатиб, ортиқчасини ушланиб қолишига сабаб бўлади. Бундан ташқари, туз соғлиққа зарар етказиши мумкин. Тузли таом истеъмол қилган куннинг эртасига шишлар билан уйғонишингизнинг сабаби шундан. Соғлом турмуш тарзига амал қилишни истасангиз, кечки овқатга сабзавотларни балиқ ёки товуқ филесини истеъмол қилинг.
Тушлик солинадиган қутини тайёрлаб қўйиш
Ресторандаги ёки тайёр таомда бир марталик истеъмолда олиниши керак бўлган калория икки бараварга кўп бўлади. Рационда қанча кўп калория бўлса, энергия шунча кўп сарфланиши керак. Уйда тайёрланган таом ёки егуликда эса қанча калорияга эга маҳсулотлардан, қандай усулда ва қайси ёғдан фойдаланганингизни билиш мумкин. Аммо эрталаб иш ёки ўқишга шошиб, тушликни аввалдан тайёрлаб олишга вақт бўлмаслиги мумкин. Шу сабаб кечаси тайёрлаб, музлаткичга қўйиб қўйиш тавсия қилинади.
Парда ёки дарпардаларни ёпиб қўйиш
Уйқу гормони сифатида яхши маълум бўлган мелатонин организмга кўпроқ калория парчалашга ёрдам беради. Уйқунинг яхши бўлиши, тетик ва кучга тўлиб уйғониш ҳам айнан мазкур гормонга боғлиқ бўлади. Тўлиқ дам олиш эса кишининг кайфияти ва қадди-қомати чиройли бўлишида муҳим рол ўйнайди. Физиологик жиҳатдан эса мелатонин сиз қоронғи жойда бўлганингизда ишлаб чиқарилади. Шу сабабдан дарпардаларни кечаси тушириб қўйинг ва турганингиздан кейингина очиб, ҳаво алмаштиринг. Шунингдек, уйқудан аввал гаджетларни ҳам ўчириб қўйинг. Бу сизни ортиқча вазн билан курашишингизга ёрдам бериши аниқ.
Иссиқлик печини ўчиринг ёки деразалари очиб қўйинг
Уйқу вақтида ёғ эриши сиз учун идеал, аммо бўлмаган гапдек туюлиши мумкин. Аммо Америка Миллий соғлиқ институти томонидан ўтказилган тадқиқотда 19 даража ҳароратда ухлаган иштирокчиларнинг 24 даража ҳароратда ухлаганлардан 7 фоиз кўпроқ ёғ парчалангани маълум бўлган.
Изоҳ (0)