Дунё бўйлаб касалланиш сони тобора ортиб бормоқда. Ҳамма жойда одамлар яна ваҳима ва қўрқувга туша бошлади. Ортиқча стресс нотўғри қарорларни келтириб чиқармоқда. Бундан ташқари, ваҳима инфекция тарқалишининг олдини олмайди. Бунинг учун, энг аввал, гигиенага риоя қилиш ва вирусни юқтириш хавфини камайтириш учун профилактика чораларини қўллаш зарур.
Коронавирус пандемияси бошлангандан буён талаб этилаётган қоидаларни бажаришда давом этиш керак:
- қўлларни камида 20 сония давомида тез-тез ювиш;
- аксирганда ва йўталганда оғизни кафт билан эмас, тирсак билан ёпиш;
- дўстона қўл сиқиш мумкин эмас, учрашув пайтида қучоқлашиш ва ўпишдан сақланиш (вируснинг тарқалиш масофаси тахминан 2 метр).
Потенциал ифлосланиш хавфини камайтириш учун касалликни назорат қилиш ва олдини олиш маркази ҳар бир уйда тез-тез дезинфекция қилиниши керак бўлган буюмлар рўйхатини тузди:
Нималарга кўпроқ аҳамият қаратиш керак?
- стол юзаси;
- эшик тутқичлари;
- музлаткич тутқичлари;
- санитария техникалари;
- телефонлар;
- клавиатуралар;
- планшетлар;
- ётоқхона стеллар;
- ҳожатхона ҳудуди;
- сочиқлар.
- Дезинфекцияловчи, тозаловчи спрейлар ёки бир марталик антибактериал салфеткадан фойдаланиш керак. Шунингдек, қўл териси зарарланмаслиги учун махсус қўлқоп кийиш тавсия этилади.
- Ҳафтада бир неча марта ёки ҳар куни эшик тутқичлари артилиши керак. Жамоат жойларида иложи борича тирсак ёки елка ёрдамида эшикларни очиш зарур.
- Ҳар қандай тутқич, бошқаларнинг гаджети ва шахсий нарсаларига тегинмасликка ҳаракат қилиш лозим. Хоналарни тез-тез шамоллатиш вирус тарқалишининг олдини олади.
- Ошхона ва қўл сочиқларини камида 3 кунда алмаштириш зарур. Айниқса, уларни яхшилаб қуритиш керак.
- Стакан, вилкалар, пичоқ ва бошқа идишларни бошқа одамлар билан баҳам кўриш асло мумкин эмас.
Изоҳ (0)