Бугун,

  • USD 11095.31
  • RUB 173.84
  • EUR 10772.44

18 октябрь куни Туркманистон президенти Гурбангули Бердимуҳамедов Ички ишлар вазирлигининг автоспорт бўйича марказига ташриф буюрди, деб ёзмоқда «Хроника Туркменистана».

Фото: «Хроника Туркменистана»

Фото: «Хроника Туркменистана»

Хабарга кўра, у марказга келиш чоғида жисмоний машқлар бажарган ва скандинавча юриш билан шуғулланган.

«Туркменистан сегодня» давлат ахборот агентлиги давлат раҳбарининг спорт машқларини маҳорат билан бажариши жисмоний тарбия ва спорт билан кўп йиллар давомида шуғулланганлигининг самараси эканини қайд этган ва Бердимуҳамедов спортда эришган натижаларни эслатиб ўтган:

  • 1972 йил 15 ёшида бўлажак президент классик кураш бўйича Ашхобод чемпиони бўлган;
  • 1973 йилда 16 ёшида мамлакатда стенддан ўқ отиш бўйича мамлакат чемпионлигига эришган;
  • 2008 йилда каратэ бўйича 6-дан қора белбоғ соҳибига айланган;
  • 2009 йилда Осиё Олимпия кенгашининг (ОCА) ордени билан мукофотланган;
  • 2010 йилда каратэ-до бўйича Бутуняпония федерациясининг фахрий аъзоси сифатида сертификатга эга бўлган, ўша йили апрелда таэквандо бўйича қора белбоғнинг еттинчи даражасини олган, 2012 йил сентябрида каратэ бўйича 10-дан қора белбоғ дипломига сазовор бўлган.
Бердимуҳамедов ИИВ марказида ички ишлар вазири Мамметхон Чакиев, спорт ва ёшлар сиёсати вазири Гулмират Агамирадов билан суҳбатлашган, мажлис ўтказган.

ИИВ раҳбари мамлакатда барқарорликка эришилганининг 25 йиллигига бағишлаб автоспортнинг Volkicar ва Volkiсar-drift турлари бўйича Туркманистон чемпионати ўтказилишига тайёргарлик жараёнлари ҳақида, спорт вазири эса Garagum ýalkymy ралли-рейди чемпионати хусусида маълумот берган.

Шунингдек, икки амалдор марказ ихтиёрига янги турдаги спорт автомобиллари келганини айтиб, Бердимуҳамедовга янги BMW’ни синовдан ўтказишни таклиф қилган.

«Гурбангули Бердимуҳамедов BMW’да бир нечта кескин бурилишларни амалга ошириб, спорт автомобилини синаган ва чемпионатларнинг ўтказилишига рухсат бериб, машинани ИИВ автоспорт марказига туҳфа этди», – дейилади «Туркменистан сегодня» давлат ахборот агентлиги хабарида.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди