Болливуд актрисалари чиройи туфайли ҳаттоки «Дунё гўзали» танловларида ҳам ғолиб бўлган. Бу сафар «India.com» сайтида олиб борилган сўровномаларга кўра, юлдузларнинг орасида энг чиройли кўзларга эга актрисалар саралаб олинди. Марҳамат, улар эгаллаган ўрин қанчалар ҳақиқат эканлигини гувоҳи бўлинг.
Кажол – 41,06 фоиз
Ҳинд киносида энг таъсирчан роллар билан барчанинг кўнглидан жой олган актриса – Кажол энг чиройли кўзлар соҳибаси дея тан олинди. Унинг жигарранг катта кўзлари сўзсиз ҳам гапира олади.
Рани Мукержи – 39,04 фоиз
Бенгалча гўзалликка эга актриса Рани Мукержига биринчилик учун бир нечта овоз етмади. Натижада у ўзининг амакиваччаси Кажолдан кейинги ўринни эгаллади. Юлдузнинг оч жигарранг зайтунсимон кўзлари чиндан ҳам диққатга сазовордир. Актриса пардозсиз ҳам ажойиб кўринишга эга.
Видья Балан – 6,03 фоиз
Сўровномада Видья Балан фахрли учинчи ўринни эгаллади. Актриса ҳинд гўзаллигининг тимсоли ҳисобланади. Унинг бетакрор кўзлари шахсиятига жозиба бағишлайди.
Карина Капур – 1,4 фоиз
Карина ҳамиша истеъдоди билан томошабинларни ўзига жалб этиб келган. Актриса ҳинд аёлларига хос ёрқин ва ғайриоддий кўзларга эга.
Конкона Сен Шарма – 1,23 фоиз
Конкона қисқа муддат ичида иккита миллий мукофотга сазовор бўлди. Унинг кўзлари аллақандай ҳиссиётлардан сўзлайди.
Ажабланарли ҳолат шундаки, «Дунё гўзали» деб тан олинган актриса Айшвария Рай ушбу сўровномада 1 фоиз ҳам овоз тўпламади. Аммо актрисанинг кўзлари бошқаларникидан фарқли ўлароқ ўз чиройига эга.
Мавзуга доир:
- Ҳинд киноси юлдузларининг севимли актёрлари (фото)
- Болливуднинг машҳур актрисалари бир фильмда суратга тушиш учун қанча гонорар олади?
- Машҳур фильмлардаги иккинчи даражали роллардан воз кечган Болливуд юлдузлари (фото)
- Эрта турмуш қурган ва 16 ёшида она бўлган Болливуд юлдузлари (фото)
- Болливуднинг супер юлдузига айланган раққоса ва раққослари (фото)
Изоҳ (0)