Пулни қаерга сарфлаш керак, деган савол инсонларни ўйлантирадиган энг долзарб масала. Баъзи таниқли инсонлар бор даромадини шунчаки ҳавога совурса, яна айримлари бу борада анча уддабурон. Улар бу муаммони қандай ҳал этишни билади.
Ченнинг Татум
Тимсоҳнинг думи ёки қисқичбақа гўштидан пирог истеъмол қилишни истаганлар Ченнинг Татумнинг ресторанига ташриф буюриши мумкин. Юлдуз қийинчиликка учраган оилада туғилгани учун ҳам пулнинг қадрини жуда яхши билади. Кейинчалик у муваффақиятли актёр ва тадбиркорга айланди. Маълумот учун, Ченнинг 2012 йилда ресторан очди. Рестораннинг очилиш маросимига киноюлдузлардан Рози Хантингтон-Уайтли ва Жейсон Стетхемни таклиф қилди. Шунингдек, у барни «Муқаддаслар ва гуноҳкорлар» деб номлаган. Ушбу ном остида ресторанни йиллар давомида ривожлантириб борди. Унинг кўриниши «Супер Майк» фильмидаги воқеаларини эслатади.
Марк Уолберг
«Темирни қизиғида бос!» ибораси Маркнинг ишлаш тамойилига мос келади. У одамлар ҳеч қачон овқатланишдан тўхтамаслигини инобатга олган ҳолда пулни айнан шу соҳага сарфлашни билди. Шу сабабдан киноюлдуз Wahlburgers деб номланган бир нечта бургер ошхоналарни очди. Бундан ташқари, актёр озиқ-овқат ташувчи юк машиналарини сотиб олишга ҳам қарор қилди. Унинг Буюк Британия, Канада ва АҚШдаги фастфуд масканларига ташриф буюриш мумкин.
Райан Рослинг
Навбатдаги Голливуд юлдузининг орзуси муҳаббат билан таом тайёрланадиган шинам жой яратиш эди ва уни амалга оширди. Ресторан ошпазлари Шарқ ва Европа таомларини тайёрлайди. Актёр Марокаш ресторани учун машҳур ошпаз − Бенани таклиф қилди. Ошпазнинг сўзларига кўра, у таомларни онасининг рецепти бўйича тайёрлайди.
Сьюзан Сарандон
Голливуднинг яна бир актрисаси Сьюзаннинг ҳам ресторан очиш орзуси бўлган. Унинг ресторанида бошқаларникидан фарқли ўлароқ, овқатланишдан ташқари стол теннис билан шуғулланиш ҳам мумкин. Актриса шаҳардаги ресторанларга ўхшаб қолмаслик учун боулинг залини очмасликка қарор қилди. Айтганча, у Нью-Йоркда биринчи «Спин ресторан-клуб»ини очди. Ҳозирда Америкада бу каби ресторанлар саккизтани ташкил этади. Шунингдек, канадача Торонто ресторани мазали салатлар ва қисқичбақа билан меҳмонларни кутиб олади.
Роберт Де Ниро
Машҳур актёрнинг мухлислари унинг «Нобу» номли ресторан очганидан хабардор бўлса керак. У ўтган асрнинг 90 йилларидан буён тадбиркорлик қилиб келмоқда. У ўзининг биринчи қаҳвахонасини Манхэттенда очган эди. Аста-секин қаҳвахоналар бутун дунё бўйлаб ресторанлар тармоғига айланди. Шунингдек, Робертнинг ҳамкасби ва дўстлари Кристофер Уокен, Шон Пенн, Билл Мюррей ҳам ресторан учун ўз маблағларини қўшган.
Изоҳ (0)