АҚШда беш ёшли бола ҳайвонот боғидан ўғирлаб кетилган лемурни топишга ёрдам берди

Сан-Францискодаги ҳайвонот боғидан артритдан азоб чекиб келган Маки лақабли 21 ёшли лемур ўғирлаб кетилди. Уни топишга беш ёшли болакай ёрдам берди, деб ёзади Associated Press.

Лемур йўқолгани тўғрисидаги хабарлар 14 октябрь куни маҳаллий ОАВда ёритилган бўлиб, ҳайвонот боғи вакиллари муассаса ҳудудига ноқонуний равишда кимдир кирганини маълум қилган. Макини қайтарган кишига 2100 доллар миқдорида мукофот ваъда қилинган (умрининг ҳар йили учун 100 доллардан). Чунки мушуксимон лемурлар қирилиб кетиш хавфи остида турган тур ҳисобланади.

Йўқолган ҳайвонни эртаси куни беш ёшли Жеймс Трин пайқаб қолган. Болакай ҳайвонот боғидан 8 километр нарида жойлашган Лютеранлар чеклови боғчасидан чиқаётиб, унга кўзи тушган. «Бу лемур! Бу лемур!» — дея бақирган болакай. Жеймснинг ёнида бўлган боғча директори Синтия Хуанг аввалига унга ишонмаган: «Бу енот эмаслигига ишончинг комилми?».

Бу орада Маки автотураргоҳдан болалар майдончасига югуриб борган ва ўйинчоқ уйлардан бирига яшириниб олган. У ердан лемурни ҳайвонот боғи ходимлари ушлаб, олиб кетган.

ICYMI: The moment kids spotted Maki the missing lemur in the parking lot of their Daly City preschool.
He is now back at the @sfzoo. @kron4news pic.twitter.com/XII2TGQY7q

— Justine Waldman (@JustineWaldman) October 18, 2020

15 октябрь куни Макини ўғирлаганликда гумонланган 30 ёшли Кори МакГиллоуэй ҳибсга олинган. Шу билан бирга, кўнгилсиз ҳодиса содир бўлган кунда у лемурга боғлиқ бўлмаган айблов билан ушланган эди. Эндиликда у вандализм ва лемурни ўғирлашда айбланмоқда.

Ҳайвонот боғидагиларнинг маълум қилишича, кекса Маки оч бўлган. Касаллик сабаб у алоҳида эътибор талаб қилган, бироқ бир кун қаровсиз қолган ҳайвоннинг соғлиғи ёмонлашган. Эндиликда Маки изоляцияга юборилган бўлиб, тез орада у бошқа лемурлар олдига қайтади.

"There's a lemur! There’s a lemur!"

Meet James Trinh, the 5-year-old who spotted Maki the Lemur in the parking lot of Hope Lutheran Day School in Daly City. https://t.co/RXMFtePirz pic.twitter.com/3Lusnmu0OL

— San Francisco Chronicle (@sfchronicle) October 17, 2020

Пул мукофоти черковга берилади, беш ёшли Жеймс эса оиласи билан ҳайвонот боғига чексиз бепул ташриф буюриш имкониятига эга бўлди.