«Интер» ҳужумчиси Лаутаро Мартинес «Барселона» форварди Лионель Месси ҳақидаги фикрлари билан ўртоқлашди.
«Мен Мессини Аргентина терма жамоасидаги ўйинлар орқали яхши биламан. Бу гапларни аввал айтганман, ҳозир ҳам айтаман ва келажакда ҳам такрорлайман. Месси дунёнинг энг яхши футболчиси. Менинг назаримда, у бошқа даражадаги ўйинчи. У футболга бошқача кўз билан қарайди ва ҳар доим қолганлардан бир қадам олдинда», — дейди Мартинес.
Лаутаро 2018 йилдан буён «Интер»да ҳаракат қилиб келади. Унинг миланликлар билан амалдаги шартномаси 2023 йилга қадар мўлжалланган. Аввалроқ «Барселона» аргентиналик футболчини ўз сафига қўшиб олишга бир неча бор уринди, бироқ коронавирус туфайли трансфер амалга ошмади.
Месси Ла Лига 2020/21 йилги мавсумида тўртта ўйин ўтказиб битта гол уришга эришди. Ўтган мавсумда у Примерадаги 33 ўйинда 25 та гол ва 23 та голли узатмага муаллифлик қилганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)