“Inter” hujumchisi Lautaro Martines “Barselona” forvardi Lionel Messi haqidagi fikrlari bilan o‘rtoqlashdi.
“Men Messini Argentina terma jamoasidagi o‘yinlar orqali yaxshi bilaman. Bu gaplarni avval aytganman, hozir ham aytaman va kelajakda ham takrorlayman. Messi dunyoning eng yaxshi futbolchisi. Mening nazarimda, u boshqa darajadagi o‘yinchi. U futbolga boshqacha ko‘z bilan qaraydi va har doim qolganlardan bir qadam oldinda”, — deydi Martines.
Lautaro 2018-yildan buyon “Inter”da harakat qilib keladi. Uning milanliklar bilan amaldagi shartnomasi 2023-yilga qadar mo‘ljallangan. Avvalroq “Barselona” argentinalik futbolchini o‘z safiga qo‘shib olishga bir necha bor urindi, biroq koronavirus tufayli transfer amalga oshmadi.
Messi La Liga 2020/21-yilgi mavsumida to‘rtta o‘yin o‘tkazib bitta gol urishga erishdi. O‘tgan mavsumda u Primeradagi 33 o‘yinda 25 ta gol va 23 ta golli uzatmaga mualliflik qilgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)