Футбол бўйича Coca-Cola Суперлиганинг 19-туридан ўрин олган сўнгги ўйинлар 19 октябрь, душанба куни бўлиб ўтди.
Турнинг марказий ўйини «Локомотив» ва «Бунёдкор» жамоалари ўртасида кечди. Учрашувнинг 29-дақиқасида Темурхўжа Абдухолиқов «темир йўлчилар»ни олдинга олиб чиққан бўлса, 68-дақиқада Кирилл Погребняк мезбонларнинг иккинчи голини урди. Бунга меҳмонлар 87-дақиқада Нурилло Тўхтасиновнинг киритган тўпи билан жавоб қайтарди.
«Локомотив» кейинги турда «Қизилқум» майдонига сафар қилади. «Бунёдкор» эса «Андижон»ни қабул қилади.
Яна бир ўйин «Навбаҳор» ва «Металлург» ўртасида бўлиб ўтди. 13-дақиқада Забиҳулло Ўринбоев наманганликлар жамоасини ҳисобда олдинга олиб чиқди. 31-дақиқада Станислав Андреев мувозанатни тиклади. Қолган вақтда шу ҳисоб ўзгармай қолди.
19-турдан кейин мусобақа жадвали қуйидаги кўринишни олди:
Coca-Cola Суперлига
19-тур баҳслари
19 октябрь, душанба
«Локомотив» — «Бунёдкор» 2:1
Голлар: 1:0 – 29 Абдухолиқов, 2:0 – 68 Погребняк, 2:1 – 87 Тўхтасинов.«Локомотив»: Жавоҳир Илёсов, Жаҳонгир Абдумўминов, Кахи Махарадзе, Марат Бикмаев (Авазбек Ўлмасалиев, 76), Темурхўжа Абдухолиқов (Кирилл Погребняк, 55), Азизбек Амонов, Ғулом Ҳайдар Ғуломов, Дилшод Комилов (Иброҳим Ғанихонов, 80), Шерзод Файзиев, Жалолиддин Жумабоев, Диёржон Туропов.
«Бунёдкор»: Сарвар Каримов, Ислом Қобилов, Иброҳимҳалил Юлдашев, Дилшодбек Аҳмадалиев (Улуғбек Абдуллаев, 74), Хуршид Ғиёсов (Селим Нурмуродов, 43 (Миржаҳон Мираҳмадов, 74), Расул Йўлдошев (Суҳроб Иззатов, 69), Лутфулла Тўраев, Санжар Қодирқулов, Нурилло Тўхтасинов, Абдулла Абдуллаев, Шахбоз Эркинов (Владислав Нуриев, 74)
Огоҳлантиришлар: Ғиёсов 39, Бикмаев 45+1, Махарадзе 67, Қобилов (67).
«Навбаҳор» — «Металлург» 1:1
Голлар: 1:0 – 13 Ўринбоев, 1:1 – 31 Андреев.«Навбаҳор»: Ўткир Юсупов, Эҳсони Паншанбе, Азимжон Аҳмедов (Хуршидбек Мухторов, 82), Иван Соловёв, Азизбек Турғунбоев, Сардор Теляков, Мирзоҳид Ғофуров, Даврон Ҳошимов, Игор Голбан, Ислом Рашидхонов (Аббосжон Ғуломов, 67), Забиҳилло Ўринбоев (Исломбек Исоқжонов, 82).
«Металлург»: Александр Лобанов, Аббос Отахонов, Дониёр Нарзуллаев (Худойшукур Сатторов, 90), Мурод Бобожонов (Шаҳзодбек Убайдуллаев, 56), Камолиддин Тожиев, Абдураҳмон Абдулҳақов (Аброр Тошқўзиев, 69), Ихтиёр Тошпўлатов, Станислав Андреев, Даврон Анваров (Саламат Қутибоев, 56), Муҳаммад Исаев, Евгений Чумак.
Огоҳлантиришлар: Чумак (16), Абдулҳақов (34), Тошпўлатов (45), Исаев (56), Тошқўзиев (80), Тожиев (90), Ғофуров (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)