Профессионал бокснинг супер оғир вазн тоифасининг собиқ мутлақ чемпиони Леннокс Льюис енгил вазн тоифасида учта чемпионлик камари учун ўтказилган Василий Ломаченко ҳамда Теофимо Лопес жанги ҳақида фикрлари билан бўлишди.
«Лопес Ломаченкони ишончли тарзда таслим қилди. Дастлабки учта раунддан кейиноқ олдингизда ким турганини билиб оласиз. Шунинг учун ҳам Ломаченконинг нима сабабдан фаолликни оширишдан олдин жангнинг кўпроқ қисмини рақибга бериб қўйганини тушунмадим. Чунки у фаолликни оширган вақтда аллақачон кеч бўлиб улгурганди. Энди эса янги қиролни табриклайман», — дея ёзади Леннокс Льюис.
Эслатиб ўтамиз, Тошкент вақти билан 18 октябрь тонгида профессионал бокснинг енгил вазн тоифасида WBO, IBF, WBA Super камарлари учун чемпионлик жангида Теофимо Лопес (16-0, 12 КО) Василий Ломаченкони (14-2, 10 КО) таслим қилди.
Мавзуга доир:
Изоҳ (0)