Футбол бўйича Coca-Cola Суперлига 19-турида «Сурхон» жамоаси 19 октябрь, душанба куни «Қўқон-1912»ни қабул қилди.
Учрашувнинг 11-дақиқасида Филип Раевац Ойбек Рустамовнинг узатмасидан кейин ҳисобни очди. 33-дақиқага келиб қўқонликлар бир ўйинчи кам бўлиб қолди: Шохназар Норбеков иккинчи сариқ карточкасини олиб, майдондан четлатилди.
Қолган вақтни сондаги устунлик билан ўтказган майдон эгалари рақиб дарвозаси томон йўл топа олмади ва ҳисоб учрашув якунига қадар ўзгармай қолди.
Шу тариқа «Қўқон-1912» очколарини 32 тага етказиб олган ҳолда тўртинчи ўринга кўтарилди. «Сурхон» (12)эса 13-поғонада бормоқда. Термизликлар кейинги турда «Пахтакор» билан баҳс юрица, Қўқон шаҳри жамоаси «Машъал» билан ўйнайди.
Coca-Cola Суперлига
19-тур баҳси
19 октябрь, душанба
«Сурхон» — «Қўқон-1912» 0:1
Гол: 0:1 – 11 Раевац.«Сурхон»: Акбар Тўраев, Абдуқаҳҳор Хожиакбаров (Иброҳим Йўлдошев, 85), Низомжон Норов (Шерзод Каримов, 46), Шавкат Саломов (Нуриддин Ҳасанов, 46), Александр Касян, Ҳусниддин Ғофуров, Аъзам Алиев (Сардор Сулаймонов, 65), Жаҳонгир Меҳмонов, Дарко Станоевич, Беҳруз Шайдулов, Асрор Ғофуров.
«Қўқон-1912»: Музаффар Абдуллаев, Бобур Акбаров, Шоҳназар Норбеков, Суҳроб Бердиев, Қувондиқ Рўзиев (Сардор Азимов, 90+1), Аваз Маматхўжаев, Ойбек Рустамов, Муҳаммаданас Ҳасанов (Жасур Ёқубов, 85), Александр Мерзляков, Иван Ёсович, Филип Раевац (Иқболжон Маликжонов, 76).
Огоҳлантиришлар: Норбеков (21), Меҳмонов (28), Станоевич (35), Касян (41), Маликжонов (86), Маматхўжаев (90+4).
Четлатиш: Норбеков (33).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)