Ҳабиб Нурмагомедов Тони Фергюсон билан жанг қилмайди. Унинг Гэтжидан кейинги рақиби номи ҳам маълум қилинди
UFC’нинг енгил вазндаги чемпиони Ҳабиб Нурмагомедов Жастин Гэтжи устидан ғалаба қозонса, кимга қарши жанг қилишини Ҳабибнинг устози Хавьер Мендес маълум қилди.
Ҳозир Гэтжи билан жанг қиламиз, кейин эса Жорж Сен-Пьерга қарши октагонга чиқишни хоҳлаймиз. Агар UFC Ҳабиб ва Жоржни тўрга қўядиган бўлса, жуда ҳам қойилмақом воқелик бўлади. Биз айни дамда ким билан уришишни ўзимиз ҳал қиладиган ҳолатдамиз. UFC’га ким билан жанг қилишни хоҳлашимизни айтамиз, кейин эса музокаралар бошланади. UFC кимларнидир таклиф қиладиган ҳолатлар ҳам бўлади, бироқ биз рози бўлмаслигимиз ҳам мумкин. Шундай экан биз Сен-Пьер билан бошқа вариантлар пайдо бўлмасидан олдин жанг қилишни истаймиз.Эслатиб ўтамиз, Ҳабиб—Гэтжи жанги Тошкент вақти билан 24 октябрь, шанба куни Абу-Дабидаги «Жангчилар ороли»да бўлиб ўтади.Тони Фергюсон? Йўқ, бу жанг яқин вақтлар ичида содир бўлмайди. Тони Гэтжига ютқазди. Энди пойгага қайтиши учун бир нечта жангда ғалаба қозониши керак. Шунингдек, Тонининг Ҳабиб билан жанги қачондир содир бўлишига ҳам ишонмайман. Албатта, теорияда бу юз бериши мумкин, аммо у қандай амалга ошади?
Тони Жастинга ютқазди, қандай қилиб Ҳабиб билан жанг қилиш имкониятини қўлга киритади? Бунинг қандай имкони борлигини билмайман.
Хавьер Мендес, мураббий
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
