Мичиган штатидаги Дирборн шаҳри ўт ўчирувчилари йўл-транспорт ҳодисасида жабрланганларга биринчи ёрдам кўрсатиш кўникмаларини машқ қилиш вақтида 770 от кучига эга Ford Mustang Shelby GT500 автомобилини йўқ қилди, деб хабар беради Motor.
Машғулот давомида қутқарувчилар авария оқибатида эшиклари қулфланиб қолган машина ичидан жароҳат олган йўловчини чиқариб олиши керак бўлган.
Қутқарувчиларнинг таъкидлашича, ЙТҲ вақтида тезкор ва мувофиқлаштирилган ҳаракатларни амалга ошириш учун ҳар куни машғулотларни реал вазиятларга яқинлаштирилган ҳолда амалга ошириш керак. Шу сабабли ўт ўчирувчилар мунтазам ҳақиқий транспорт воситаси устида машқ ўтказиши муҳим аҳамиятга эга.
Машғуотларда фойдаланилган ноёб автомобиль — 770 от кучига эга Shelby Mustang GT500 ўт ўчириш департаментига Ford фирмаси томонидан совға қилинган. Спорткар серияли автомобиллар прототипи тоифасига киргани сабаб уни сотиш ёки йўлларда фойдаланиш мумкин эмас. Ишлаб чиқарувчилар одатда прототипларни йўқ қилади, бироқ Ford мазкур тест нусхаси утилизацияга қадар фойда бериши мумкинлигига қарор қилган.
Ўтган ҳафта америкалик ўт ўчирувчилар электромобилларни ўчиришга тайёр эмасликлари юзасидан шикоят қилган. Ҳозирча электрокарларнинг ёниши кенг тарқалган ҳодиса эмас, бироқ ушбу муаммо долзарб тус олса, автомобилсозлик компаниялари қутқарувчиларга бу борада ҳам кўмак кўрсатса керак.
Мавзуга доир: Видео: АҚШдаги автопаркда 3,5 минг автомобиль ёниб кетди
Изоҳ (0)