Оиланинг барча вакили хоним таомини севиб истеъмол қилиши шубҳасиз. Шунинг учун дам олиш куни азиз бекажонлар учун товуқ ва сабзавотдан тайёрланадиган хоним тайёрлашни тавсия этамиз.
Керакли маҳсулотлар:
- Товуқ – 1 дона;
- Ун – 500 гр;
- Картошка – 2 дона;
- Қовоқча (кабачки) – 1 дона;
- Сабзи – 1 дона;
- Пиёз – 1 дона;
- Товуқ филеси – 300 гр;
- Сариёғ – 50 гр;
- Ўсимлик ёғи – 1 ош қошиқ;
- Сув – 1 стакан;
- Туз ва зираворлар таъбга кўра.
- Сувга тухум ва туз солиб аралаштирилади.
- Устидан ун ва сув солиниб, хамир қорилади. Тайёр бўлган хамир 30 дақиқа тиндирилади. Бу вақт ичида хамир янада юмшоқ ва эластик бўлади.
- Хамир иложи борича юпқа ҳолда ёйилади.
- Товуқ филеси ҳамда тозаланган сабзавотларнинг барчаси гўшт қиймалагичдан ўтказилади ва сариёғ, туз, зираворлар билан аралаштирилади.
- Ёйилган хамир юзасига аралашма бир текисда ёйиб чиқилади. Хамир рулет шаклида ўралиб, четлари яхшилаб чимчиланади. Шундагина сабзавотларнинг шарбати ташқарига оқмай, хамир ичида қолади.
- Мантиқасқон паллалари ёғланиб, туз, зираворлар солинган сув буғида бир соат мобайнида пиширилади.
- Дастурхонга тортишдан аввал кўкатлар билан безатилади.
Изоҳ (0)