Navoiy viloyati Karmana tumani “Dehqon” MFYda olib borilayotgan qurilish ishlari chog‘ida 14-oktabr kuni soat 08:00 da baxtsiz hodisa sodir bo‘ldi. Bu haqda Favqulodda vaziyatlar vazirligi xabar berdi.
Ma’lum qilinishicha, qurilish ishlari olib borilayotgan obyektda ishchi S.Z.ning ustiga beton plita qulagan. Buning oqibatida fuqaro beton ostida qolib ketgan. Voqeaga guvoh bo‘lganlar darhol qutqaruv xizmatiga xabar bergan.
Olingan xabar asosida viloyat FVB yong‘in-qutqaruv otryadi qutqaruvchilari zudlik bilan yetib borib, qisqa vaqt ichida beton plita ostida qolgan quruvchini chiqarib olishgan. Oyog‘idan jarohatlangan fuqaroga birinchi tibbiy yordam ko‘rsatilib, Karmana tumani tibbiyot birlashmasiga yuborilgan.
Izoh (0)