Dunyo bo‘ylab kasallanish soni tobora ortib bormoqda. Hamma joyda odamlar yana vahima va qo‘rquvga tusha boshladi. Ortiqcha stress noto‘g‘ri qarorlarni keltirib chiqarmoqda. Bundan tashqari, vahima infeksiya tarqalishining oldini olmaydi. Buning uchun, eng avval, gigiyenaga rioya qilish va virusni yuqtirish xavfini kamaytirish uchun profilaktika choralarini qo‘llash zarur.
Koronavirus pandemiyasi boshlangandan buyon talab etilayotgan qoidalarni bajarishda davom etish kerak:
- qo‘llarni kamida 20 soniya davomida tez-tez yuvish;
- aksirganda va yo‘talganda og‘izni kaft bilan emas, tirsak bilan yopish;
- do‘stona qo‘l siqish mumkin emas, uchrashuv paytida quchoqlashish va o‘pishdan saqlanish (virusning tarqalish masofasi taxminan 2 metr).
Potensial ifloslanish xavfini kamaytirish uchun kasallikni nazorat qilish va oldini olish markazi har bir uyda tez-tez dezinfeksiya qilinishi kerak bo‘lgan buyumlar ro‘yxatini tuzdi:
Nimalarga ko‘proq ahamiyat qaratish kerak?
- stol yuzasi;
- eshik tutqichlari;
- muzlatkich tutqichlari;
- sanitariya texnikalari;
- telefonlar;
- klaviaturalar;
- planshetlar;
- yotoqxona stellar;
- hojatxona hududi;
- sochiqlar.
- Dezinfeksiyalovchi, tozalovchi spreylar yoki bir martalik antibakterial salfetkadan foydalanish kerak. Shuningdek, qo‘l terisi zararlanmasligi uchun maxsus qo‘lqop kiyish tavsiya etiladi.
- Haftada bir necha marta yoki har kuni eshik tutqichlari artilishi kerak. Jamoat joylarida iloji boricha tirsak yoki yelka yordamida eshiklarni ochish zarur.
- Har qanday tutqich, boshqalarning gadjeti va shaxsiy narsalariga teginmaslikka harakat qilish lozim. Xonalarni tez-tez shamollatish virus tarqalishining oldini oladi.
- Oshxona va qo‘l sochiqlarini kamida 3 kunda almashtirish zarur. Ayniqsa, ularni yaxshilab quritish kerak.
- Stakan, vilkalar, pichoq va boshqa idishlarni boshqa odamlar bilan baham ko‘rish aslo mumkin emas.
Izoh (0)