Смартфонлар деярли бир нечта вазифани ўз ичига олувчи табиий кенгайтмага айланди. Улардан турли хил мақсадларда фойдаланилади. Масалан, иш, маълумот излаш, янги яшаш жойи, кўнгил очиш ва ўқиш кабилар. Агар у тасодифан бузилса ёки йўқолиб қолса, худди ҳаёт давом этмайдигандек кўринади. Шунингдек, ҳар бир одам смартфон вазифаларидан бири – уйғотгичдан фойдаланишга одатланган. Бу, албатта, бир қарашда зарарсиздек туюлиши табиий ҳолат. Қуйида нима учун смартфон уйғотгичларидан фойдаланишни тўхтатиб, уни ҳақиқийсига алмаштириш кераклиги ҳақида бир қанча тавсиялар мавжуд.
Уйқуни бузиши мумкин
Орамизда смартфон уйғотгичини созлашдан аввал ижтимоий тармоқлардаги янгиликларни қолдирмасдан ўқиб чиқадиганлар талайгина. Шубҳасиз, бу уйқу вақтини сезиларли даражада қисқартиради. Аммо муаммо фақат бунда эмас. Смартфондан таралаётган кўк нур уйқу сифатига таъсир қилади ва бу жараённи бузилишига олиб келади.
Тонгги тайёргарликдан чалғитиши мумкин
Уйқудан уйғониш билан қўл ўз-ўзидан смартфон томон боради, бу рефлексга айланиб қолган. Энди эса янги хабарлар билан танишиш жараёни узоқ вақт олиб қўйганини сезмай қолиш ҳам мумкин. Натижада эрталабки бадантарбия, нонушта ва бошқа амалга оширилиши керак бўлган ишлар қолиб кетади ва шошилганча иш томон равона бўлишга тўғри келади.
Баъзан эшитиш қийин бўлиши мумкин
Смартфонлар соатнинг жиринглаган овози каби баланд бўлмаганлиги учун эшитмаслик табиий ҳолат. Бундан ташқари, кун давомида смартфондан чиқадиган товушларга қулоқ кўникади ва уйқу пайтида у ўз таъсирини ўтказолмайди, яъни уйғота олмайди. Шунинг учун смартфон уйғотгичи самарасиз ҳисобланади.
Смартфон қуввати тугаши мумкин
Эҳтимол смартфон қуввати кам бўлса, унга ўрнатилган уйғотгич сигнали ишламаслиги мумкин. Шунинг учун смартфондан, айниқса, қувват олаётган вақтда фойдаланмай, оддий соатли уйғотгични қўллаш яхшироқ. Афсуски, белгиланган вақтда уйғонмаслик, режалаштирилган муҳим ишларни амалга ошмаслигига олиб келиши мумкин.
Изоҳ (0)