Бирлашган Миллатлар Ташкилоти Бош ассамблеясида Ўзбекистон БМТ Инсон ҳуқуқлари бўйича кенгашига кўпчилик овоз билан тарихда биринчи марта уч йиллик муддатга сайланди, дея хабар бермоқда «Дунё» АА.
БМТ Янгиликлар маркази маълумотига кўра, қуйидаги 15 давлат 2021 йил 1 январдан бошлаб уч йиллик муддатга БМТ Инсон ҳуқуқлари бўйича Кенгаши аъзолигига сайланган: Боливия, Хитой, Кот-д’Ивуар, Габон, Куба, Франция, Малави, Мексика, Непал, Покистон, Россия, Сенегал, Украина, Ўзбекистон, Буюк Британия.
БМТ Бош ассамблеяси органи ҳисобланган Инсон ҳуқуқлари бўйича кенгашга 47 та давлат аъзодир. Кенгаш аъзолари уч йиллик муддатга яширин овоз бериш йўли билан сайланади.
Аввалроқ Халқаро ахборотдан эркин умумфойдаланиш кунига бағишланган навбатдаги анжуман 2021 йилда Тошкентда бўлиб ўтиши маълум қилинганди.
Мавзуга доир:
- «Ўзбекистон жаҳоннинг барча мамлакатлари билан шерикликни ривожлантиришга доимо тайёр». Шавкат Мирзиёевнинг БМТ Бош Ассамблеяси 75-сессиясидаги нутқи ҳақида
- Шавкат Мирзиёев Оролбўйи минтақасини экологик инновация ва технологиялар ҳудуди деб эълон қилиш ҳақида БМТ резолюциясини қабул қилишни таклиф этди
- Ўзбекистонда Марказий Осиё халқаро институти ташкил этилди
Изоҳ (0)