Ўзбекистонда Коронавирусга қарши кураш штаби аъзоси Барно Абдусаматова 13 октябрь куни АОКАда ўтказилган брифингда коронавирус инфекциясининг энг кўп тарқалган симптомларини айтиб ўтди.
Штаб вакилининг маълум қилишича, энг кўп тарқалган симптомлардан бири иситма ҳисобланади. Иситма беморларнинг 88 фоизида кузатилади. Шунингдек, беморнинг 68 фоизида қуруқ йўтал, 38 фоизида лоҳаслик, 33 фоизида йўталда балғам ажралиши, 18 фоизида нафас қисиши, 14 фоизида томоқ оғриши, 14 фоизида бош оғриғи, 14 фоизида мушакларда оғриқ ва 11 фоизида қалтираш кузатилади.
Камдан кам ҳолатларда кўнгил айниши ва қусиш (5 фоиз), бурун битиши (5 фоиз) ва диарея (4 фоиз) кузатилади. Тумов COVID-19’нинг аломати ҳисобланмайди.
Мавзуга доир:
- Коронавируснинг илк аломатлари кузатилаётган беморларга босқичма-босқич кўрсатма
- Коронавирусга чалинган инсонда қанча вақтгача касалликнинг юқиш хавфи сақланиб қолади?
- Коронавирусни шамоллаш ва гриппдан қандай фарқлаш мумкин?
- Коронавирус, ОРВИ ва гриппнинг олдини олиш учун оддий, аммо ҳамма билиши керак бўлган 11 тавсия
- Инсон коронавирусни бошдан кечириб, буни ўзи сезмай қолиши мумкинми?
Изоҳ (0)