ФИФАнинг футболни глобал ривожлантириш бўлими раҳбари Арсен Венгер Миллатлар Лигаси мусобақасидан воз кечишни таклиф қилди.
«Миллатлар Лигасидан воз кечиш керак ва ҳамма учун тушунарли мусобақаларни ўтказиш лозим. Кўчада исталган одамдан Миллатлар Лигаси ҳақида сўранг, кўпчилик буни тушунтириб беролмайди.
Иложи борича камроқ мусобақа ўтказиш керак. Ҳар икки йилда биттадан Жаҳон ва Европа чемпионати мусобақаси — менимча, замонавий футболга кўпроқ тўғри келади», — дейди Венгер.
Шунингдек, мутахассис ушбу мусобақаларни ҳар икки йилда ўтказиш уларнинг нуфузига салбий таъсир ўтказиши мумкинлиги ҳақидаги саволга жавоб берди.
«Шундай дейдиганларга мен ҳар доим бундай жавоб бераман: мусобақа савияси уни кутиш муддатига эмас, турнир сифатига боғлиқ. Масалан, одамлар Чемпионлар Лигасини ҳар йили кузатиб боради. Менимча, бу олдинга ташланган катта қадам бўлади», — дейди Венгер.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)