Ўзбекистонда ички ишлар органларининг хавфсиз туризмни таъминлаш бўлинмалари ходимлари (туризм полицияси)нинг янги форма кийим-бошлари бўйича намуналар лойиҳаси ишлаб чиқилди, дея хабар бермоқда ИИВ Хавфсиз туризмни таъминлашни мувофиқлаштириш бошқармаси.
Янги намунадаги форма ҳозирда Тошкент шаҳри ва Тошкент вилояти ходимларида синовдан ўтказилмоқда. Таъкидланишича, формани ишлаб чиқишда аввало унинг кўриниши (дизайни)га, шунингдек, қулайлигига аҳамият қаратилган.
Янги хизмат либосларини тайёрлашда Ўзбекистоннинг турли ҳудудларидаги иқлим шароитлари ва замонавий талаблар ҳам инобатга олингани айтилмоқда. Қайд этишларича, форманинг синови 2020 йил охирига қадар давом этади.
Аввалроқ Тошкент шаҳрида йўл-патруль хизмати ходимлари янги формани синовдан ўтказаётгани ҳақида хабар берилган эди.
Изоҳ (0)