Фарғона вилоятининг Риштон тумани ҳокимлиги дўкони бузилган тадбиркорга 148 миллион сўм маблағ тўлаб беришга мажбур бўлди.
МИБ вилоят бошқармаси ахборот хизматининг «Дарё»га маълум қилишича, Фуқаролик ишлари бўйича Риштон туманлараро судининг ижро варақасига асосан, жавобгар Риштон туман ҳокимлигидан даъвогар Бахтиёр Исоқов фойдасига 148 миллион 15 минг сўм ундириш белгиланган. Ушбу ҳолат бўйича МИБ Риштон туман бўлими томонидан ижро иши юритуви қўзғатилган.
Мавзуга доир:
Таъкидланишича, мажбурий ижро ҳаракатлари жараёнида Риштон туман ҳокимлигининг маҳаллий бюджет пул маблағлари ҳисобидан Б.Исоқов фойдасига 148 миллион сўм қарздорлик пул маблағлари нақд шаклда ундириб берилган.
Изоҳ (0)